من حياتي : مع الدكتورة نضال ناصر ديوان مسؤولة النشاط الفني والثقافي في كلية القانون جامعة بغداد
من القاهرة وتقرير عن الوفد العراقي لحقوق المرأة والإنسان في زيارة لمنظمات حقوق الإنسان في القاهرة
من لندن وتقرير عن اول وزيرة مسلمة في حكومة الأتلاف البريطاني البارونة سعيدة وارسي
من الولايات المتحدة وتقرير عن ريما فقية من أصل لبناني تم أختيارها ملكة جمال الولايات المتحدة لعام 2010
شرط الزواج بك طلاق زوجتك!! الزميلة عسل عماد واستطلاع للآراء
ورود بين أشواك
ومناقشة قضية شرط الزواج بك طلاق زوجتك
رسالة أم فرح صاحبة القضية
انا عراقية أسلم عليكم واشكركم على هذا البرنامج اللى داشوفة دوه لكل عراقية غدر بيها الزمان والحياة.
قصتي هي أنا تزوجت عن قصة حب جميلة وثمره اربعة ورود صبيان وبنتان وكنت اتصور إن تعبي لايذهب هدرا كما يقولون لاننى بصراحة لا أفكر سوى في بيتي الزوجبة وكل همي بيتي وأهلي وأهله وماقصرت مع أي واحد والله شاهد .
كل اللى يعرفنه وخاصة أهله وعشت مغمضة العينين مثل ما يكلون لانه بصراحة أخذته واحنه الاثنين موظفين ومافكرت إني عشت بوهم كبير أسمه الخيانة وهذا الشى أخبرتني بي أخته الكبيره وما صدكت لانى ما مقصره وياه بكل شى آني ماخذه مسؤولية البيت والاطفال من مرض ودكتور وملابس واداء الواجب من فرح اوحزن هو شايل مسؤولية الأكل فقط.
ما أكدر أنكر هذا ابدا حتى في وقت الحصار ماكان بقصر الله شاهد وكنت أساعده واني فرحانة لانه بصراحة شفت امي تساعد ابي تخيط ملابس حتى تعينه بالراتب ولا يوم اشتكيت. لكن الصدمة هى الخيانة وكنت كل ما اواجهه يبدي يضربني إلى مالانهاية وكل مره تاتي والدته وتترجاني وأسامحه لانني لم اشكى همى إلى أهلي أبدا لانه لا اريد أن يحزنوا على وياريت لو ضاربني على شي ناقص في البيت ،وكانوا صديقاته يخابروني ويتكلمون أشياء مااكدر اكوله وخاصة وحده هي سبب سفري الى بلد اخر لانه اخي عرف بقصتي من خلال ابنتي الكبيره ولما وصلنا الى المانيا يترجى أهلي ويبكي وفى وقته كلت لاهلي إنه يمثل وكالولي لا يمكن الله هداه وبالرغم من كل شى كلت نبدا صفحه جديده ولكن اتضح بانه يتصل بصديقته في العراق واللي عرفت شرط أهلها لازم يشوفون ورقة الطلاق وشفت بانه الوحيده اني اللى اريده أولادي الاربعة مايريدونه وجاني كال نسوي معاملة الطلاق حتى مشاعرنه ترجع مثل قبل وقنعني مع الاسف بهذا الشى ولااصدك لحد الان هو سوه هذا الشي ويايه وغدر بيه من استلم الورقة على فتره 40 يوم جابها على صينية من ذهب ونفس صديقته اللى جانت في العراق وجانت متزوجته عرفي هناك وبعد لو احجي مراح يكفيني اسبوع طعني بسكييييين بارد وهسة ما يريد يشوف أحد من عدنه، أيام الحب قبل جنه مانباوع على واحد متزوج عكس هذي الايام لكن مع الاسف الوكت قوى لكل وحده تحب تبوك الرجال من بيته وما بقى واحد من اهله نخخخخخييييييييه يتعاطفون ويايه ويكولون أنت وردتنه بتنه حبيبتنه صديقتنه وأختنه لكن ما نكدر نسوي شي لانه هو مو ازغير.
عرفت هى إنسانة متدينه وتصلي قلت لنفسي لابد عندما تعرف انا لحد الآن أحبه وأريده يمكن خوفها من الله راح تحكم بالعدل وقلت لها أنا اقبل بك ضره إلى هذا الحد لكن جوابها كان : اني جيت إلى المانيا معززه وما أسمح وحده تشاركني وبالفعل نالت ما أرادت وحسب قولها بانها كانت تتحداني من العراق أحزن على نفسي لانني تحملت كل شى من إهانات ومسبه ودموعي ودموع أبنتي الكبيره اللى عانت ماعنيت وسهري وتعبي ورواتبي وكككككككككل شى وين راح .
واشلون اهل البنية ضميرهم مرتاح ماأعرف وكيف هدموا عائلة ويعرفون زواج 30 سنه وقبلت تاخذ أب وزوج وجد لاحفاد 2 اني الوحيده اللى شايلة الكل هسة.
إذا وصلت رسالتي ياريت لو تجاوبيني أكون ممنونه واريد اتصل بالبرنامج لكل وحده ظلمها زوجها والزمن ،وبهذا الزمن طيبة القلب يعتبروها غباء وآني انسانه في الوقت الضائع زمن الغدر الخيانه المصلحه الشخصيه الأنانيه وكل واحد يبني سعادته على أحزان الآخرين ولكي الشكر.
أم فرح وسرور وأحمد وشهد اسامي أولادي
ضيفة الأستوديو من القاهرة الناشطة في حقوق المرأة الدكتورة عزة كامل
ضيفة الحلقة من بغداد الناشطة في حقوق المرأة الأستاذة باسمة الخطيب
مداخلة عبر الهاتف من المانيا مع صاحبة القضية أم فرح
